Регистар

Регистар на прописи на РМ

Регистарот на прописи на Република Македонија, претставува систематизиран преглед на прописите - закони и подзаконски акти кои се во сила во правниот систем во Републиката.

Негови составни делови се Предметниот и Азбучниот регистар, кои овозможуваат пребарување на прописите:

• по области, во рамките на областите содржани во Предметниот регистар
• по клучен збор, во рамките на поимите утврдени како клучни зборови во Азбучниот регистар;  и
• по самата содржина на Регистарот на прописите, што се наоѓа на почетните страници на Регистарот, во чии рамки се обележани основните области, подобластите и бројот на страницата на која тие се наоѓаат.

1. Во ПРЕДМЕТНИОТ РЕГИСТАР содржината е распоредена во XXII основни области и 64 подобласти. Во секоја од нив, правните акти - прописите се распоредени според сродноста на материјата што се уредува со нив, на пример: државно уредување, стопанство, финансии, култура, наука, итн.

Како резултатат на стремежот на Република Македонија за побрзо интегрирање во Европската Унија, во текот на 2004 година воведени се две нови области во Регистарот и тоа: XXI. Декларации, Заеднички позиции и Демарши на Европската Унија кон кои се придружува/прифаќа Република Македонија на покана на Европската Унија и XXII. Резолуции на Советот за безбедност на Обединетите нации со кои се воведува, изменува или укинува режим на санкции против држави, ентитети или поединци.
 
2. Во АЗБУЧНИОТ РЕГИСТАР, законите и другите прописи се пронаоѓаат преку клучни зборови - се идентификува поимот што претставува клучен збор за прописот, при што е користен македонскиот азбучен редослед консеквентно по буквите во азбуката, како и во рамките на секој одделен збор. Кон секој поим, односно пропис во кој е содржан поимот, означена е основната област и областа од Предметниот регистар на кој истиот е обработен.


Преземи PDF формулар
за претплата на регистарот
на прописи.